Science Challenge Show zu Lëtzebuerg

Take Off geet
an déi nächst Staffel!

Ab dem 5. Januar 2025 ob YouTube, RTL an RTL Play! 

KUCK D'SAISON 1 HEI

Wat ass d'Take Off Show?

 

Take Off ass eng Science Game Show mat 13 Episoden, an deenen 12 Jonker kniwweleg Challenge léise mussen. No all Episod muss ee Kandidat d'Show verloossen.

 

Déi top 2 Gewënner huelen ee Präisgeld vu bis zu 10.000€ mat Heem. D'Show gëtt och iwwert Instagram an TikTok begleet. 
 

Wéi leeft dat Ganzt of?

1

Aschreiwung

    D'Aschreiwunge fir déi zweet Staffel sinn elo zou.

    2

    Pre-Casting

      Jiddereen, dee sech ageschriwwen huet an eng Invitatiouns-E-Mail vun eis krut, kann op den éischten Dag vum Pre-Casting kommen. Do erwaarden dech da puer kuerz Challengen, déits du eleng an an enger Grupp muss léisen. Bis zu 50 Participanten ginn op den zweeten Dag vum Pre-Casting invitéiert, wou si e kuerzen Interview mam Jury hunn. Schlussendlech gi bis zu 30 Leit ausgewielt fir beim leschten, offizielle Casting matzemaachen. De Pre-Casting vun der zweeter Staffel war den 8. a 9. Juni 2024 . 

      3

      Casting

        D'Castings-Episod ass déi éischt déi gefilmt gëtt. Hei ginn déi 12 bescht Kandidaten ausgewielt fir an d’Studio-Episoden. De Casting vun der zweeter Staffel war den 2. an 3. Juli.

        4

        Studio-Episoden

          Nom Casting geet et fir déi 12 ausgewielte Kandidaten an de Studio. Hei ginn 11 vun den insgesamt 13 Episode gedréint. De Casting an d'Finall ginn ausserhalb vum Studio gedréint. D'Studio Episode vun der zweeter Staffel ginn am August (22.-30.) an am November (7.-14.) gedréint. 

          5

          Finall

            An der leschter Episod, kämpfen déi zwee verbliwwe Kandidaten ëm den éischte Präis vun 10.000€. D'Finall vun der zweeter Saison gëtt am Dezember 2024 gedréint.

            Eis Kandidaten

            Méi wéi 150 Kandidaten hate sech fir de Pre-Casting vun der éischter Staffel ageschriwwen, an dovun hu sech der 24 fir de Casting qualifizéiert! 

             

            Un all eis jonk “Street Scientists” déi matgemaach hunn: Är Begeeschterung an är Leeschtunge waren aussergewéinlech.

            Mir freeën eis drop weider Talenter fir déi zweet Staffel kennenzeléieren! Mell dech un! 

            Suivéiert Take Off och op Instagram an TikTok.

             

            Take Off ass eng gemeinsam Initiativ vun der André Losch Fondation an dem Fonds National de la Recherche.

            D'Moderatore vun der Show

            Joseph Rodesch
            alias Mr Science
            «Gëtt et dobaussen iergendwou eng Miss oder Mister Science Junior?»
            Lucie Zeches
            Science Communicator
            «Mäin gréissten Challenge ass et "Science Challenge Show" ganz schnell hannerteneen ze soen»
            Olivier Catani
            Journaliste-Présentateur
            «Ech well vun deene Jonken beandrockt ginn»

            Kontakt

            All Informatioun, déi mat engem Asterisk (*) spezifizéiert ass, ass obligatoresch.